هابي هفلاتين لكل الحلوين
اوعى حد يفكر ان انا بعيد عليكم بجد
انا مفروسة من الهفلاتين و اللي اخترعوا
مش حقول موشح ان دو مش من دينا و لا عاداتنا و لا تقاليدنا
******
انا مش ضد على فكرة ان يبقى في يوم نحتفل بيه في الحب
عشان كتير ناس بتنسى تقول كلمة حب و اليوم دة بيفكرها
و ناس كتير بتنسى تعبر عن حبها و اليوم دة بيبقى فرصة لكلمة حب حلوة
و في ناس اصلا بتنسى تحس بالحب و بيجي اليوم دة يصحي شوقها للحب و لحبايبهم
*****
امال انا مفروسة ليه ؟؟؟
مفروسة عشان المبالغة اللي تجيب شلل رعاش في التعبير عن الحب اللي ساعات بيبقى مش موجود اصلا !!
يعني مثلا يوم السبت اللي فات صاحباتي قالوا (على اساس اجازة و ويك اند) نخرج مع بعض
قلتلهم مش حتلاقوا مكان بالليل فاضي خلونا نروح نفطر على امل منبقاش شلة بنات وسط الحبيبة
الساعة 10 و نص بالضبط دخلنا الكوفي شوب ببص جوالية لقيت شلة بنات شكلهم مقاطيع زينا و شلة ماماهات و بيبيهاتهم جايين يفطروا برضه
قلت بشرة خير
لسة بقول يا هادي و ححط اول لقمة في بقي
هل اول كبل
اهلااااااا
البنت تقريبا فاكرة انها لسة 15 سنة ... ما علينا
الولد طبعا جايب الهدية اللي عاملة زي الزي الموحد الدبدوب الاحمر اللي بيبص بعبط حواليه
البنت راحت ناطة من مكانها بتصنع يشل ياااااااااااااااي يااااااااااااااااااااااي حبيييييييييييبيييييييي
و نزلت في الواد بوووس قلت معلش يعني فرحانة بالدبدوب الاهبل !!!
و بعدين قعدت تحضن في الدبدوب و تبوسه و رجعت تبوس الواااد و شوية بقت قاعدة فحضنه !!!!!
دورت وشي الناحية التانية و قلت يا بت استهدي الله و متبصيش هناك احسن
******
ببص لقيت كبل تانيين هبطوا من السماء باين و لا انا مع المشهد اللي قبله مخدتش بالي منهم !!
الواد بيطلعلها نفس الدبودوب الاحمر (يا محاسن و هدى و ايات و احلام الصدف !!)
البنت و بالاطة شدييدة و قالتله حبيييييييييييييييبيييييييييييييييييييييييييي
و بعدين بحزن رهيييييييييييب مصطنع جدااا برضه !!!!
انت عارف اني مش حقدر اروح بيه البيت بابا و ماما يشكوا بعدييين !!
يا عيييني الدمعة حتفر من عيني
(لما انتي مستعرة قدام بابا و ماما من اللي بتعمليه دة بتعملييييييه لييه )
يا عيييني الدمعة حتفر من عيني
(لما انتي مستعرة قدام بابا و ماما من اللي بتعمليه دة بتعملييييييه لييه )
و برضه قلت استهدي بالله يا بنت انتي مالك؟؟؟
و لسة حدور وشي لقيت البنت بس انا مش عارفة اشكرك ازاي يا قلبيييييييييييييي
و لسة حدور وشي لقيت البنت بس انا مش عارفة اشكرك ازاي يا قلبيييييييييييييي
و خادته بالحضن و الواد منشششششششكح !!!!!
نهار اييه الاسود دة ياربي ادور وشي فين انا بقي
*****
قلت ابص برة
لقيت ولد داخل و مش سايب جل في البلد الا وحاطه على شعره السبايكي و شايل في ايده سبعة كيلو ورد احمر و نفس ذاااااااااات الدبدووووب الله يحرقه !!!
ملحقش يدخل قالها قومي نقعد جوا و سبحان الله ملقاش الاالطاولة اللي جمبي و سبحان الله البت مقعدتش على الكرسي اصل حجره واحشها !!! و باين و الله اعلم الكراسي مش مريحة مش ذنبها يعني !!!!!!!!
*********
قلت مبدهاااااااااااش الحسااااااب لو سمحت قوموا يا بنات نروح
*********
اخدت صاحبتي و مروحين عند بيتها في ارض واسعة فاضية لسة بركن العربية و اقلها يخرب بيت قلة الزوق ايييه دة اييه الناس دي
لقيت عربية بتركن قدام مني شوية مليانة ورد و دباديب حمرا و بلالين ... قلت شكلها عربية عرايس الظاهر في فرح عندهم و لا حاجة
طلع جواها حبيبة بيدوروا على منطقة مقطوعة شوية!!!!!! و عيب بقى نقول اللي حصل انا اصلا خدت فوشي و روحت بيتنا
*****
في السكة بقى وقفت على الاشارة جة واحد شايل ورد دلق وردة في العربية و قالي تمنها يا فندم !!!!! و انا قلتلك ان انا عايزة ورد؟؟؟ لا داعي اقول الي حصل بقى عشان مش لطيف ابدا الحقيقة !!
نهار اييه الاسود دة ياربي ادور وشي فين انا بقي
*****
قلت ابص برة
لقيت ولد داخل و مش سايب جل في البلد الا وحاطه على شعره السبايكي و شايل في ايده سبعة كيلو ورد احمر و نفس ذاااااااااات الدبدووووب الله يحرقه !!!
ملحقش يدخل قالها قومي نقعد جوا و سبحان الله ملقاش الاالطاولة اللي جمبي و سبحان الله البت مقعدتش على الكرسي اصل حجره واحشها !!! و باين و الله اعلم الكراسي مش مريحة مش ذنبها يعني !!!!!!!!
*********
قلت مبدهاااااااااااش الحسااااااب لو سمحت قوموا يا بنات نروح
*********
اخدت صاحبتي و مروحين عند بيتها في ارض واسعة فاضية لسة بركن العربية و اقلها يخرب بيت قلة الزوق ايييه دة اييه الناس دي
لقيت عربية بتركن قدام مني شوية مليانة ورد و دباديب حمرا و بلالين ... قلت شكلها عربية عرايس الظاهر في فرح عندهم و لا حاجة
طلع جواها حبيبة بيدوروا على منطقة مقطوعة شوية!!!!!! و عيب بقى نقول اللي حصل انا اصلا خدت فوشي و روحت بيتنا
*****
في السكة بقى وقفت على الاشارة جة واحد شايل ورد دلق وردة في العربية و قالي تمنها يا فندم !!!!! و انا قلتلك ان انا عايزة ورد؟؟؟ لا داعي اقول الي حصل بقى عشان مش لطيف ابدا الحقيقة !!
*********
و دة غيرطبعا اني مخلصتش من سؤال كل حد اعرفه و معرفوش في اليوم دة؟؟ عملتي ايييه في الهفلاتين؟؟؟
"عملت ملوخية و فراخ و رز و رحت الجيم"
رد غلس و رخم و تقيل
بس دة اللي انا عملته اكدب يعني؟؟
امال لو بحب و مش مرتبطة علنا و اتهفيت في مخي و عايزة احتفل بدبدوب اهطل حقولكم على سبيل الاحتفال بهطلي انا كمان و لا ايه؟؟؟؟
بس دة اللي انا عملته اكدب يعني؟؟
امال لو بحب و مش مرتبطة علنا و اتهفيت في مخي و عايزة احتفل بدبدوب اهطل حقولكم على سبيل الاحتفال بهطلي انا كمان و لا ايه؟؟؟؟
***********
ليه الحب بقى رخيص كدة؟؟؟
ليه بقينا بنختصره بشكليات؟؟؟
ليه بقى الحب يوم احمر ؟؟ و الناس بتتبجح فيه بعمايل حمرا برضه ؟!!!
*****
كان نفسي الاقيلكم الدبدوب اليونيفورم و احط صورته بس ربنا رحمكم ههههههه
**********************
هابي هفلاتين بقى و نلتقي العام القادم
************************
هناك 18 تعليقًا:
الكلام اللي بينطبق علي عيد الحب هو هو نفس الكلام اللي يتقال علي عيد الام او عيد الميلاد او عيد الزواج كلها مناسبات وحاجات
بس تعالي كده نشوف احنا استغلينا الايام دي صح والا كالعاده سطحناها وحولناها لأعياد استهلاكيه في كل شئ حتي المشاعر
الموضوع كبير
يدخل فيه الثقافه والتربيه والاخلاق
والمفاهيم
الاعياد دي جميله بس لو احتفل بيها صح
صدقيني
بس لأسف مش كل الناس بتحتفل بيها صح
ههههههههههههههههههههههههه
هموووووت من الضحك يا لين
انتي اختصرتي شعوري بالظبط
انا ماعنديش مشاعر لا حب ولا كره للفالنتاين لا يعني لي الكثير بصراحة
بس كم التمثيل والاحتفالات المفتعلة الغير حقيقية والمظاهر الكدابة يجبب شلل بجد
سفه
مش ممكن اختصار الحب في الهطل دا ابدا بجد
كنتي تعالى قضيه معانا انا وياسمين كنتي ضحكتي ضحك :)
وحشتيني
كنت لسه داخلة اقولك الفالنتين البناتى بيبقى راااائع..لقيت فنفونة سبقتنى.. والله كانت نقصاكى يا لين بجد كان يوم حلو اوى
انا مش بيحز فى نفسيتى غير الطفلة اللى ماشية بورد احمر و هدايا من طفل اهبل منها وعامل فيها راجل..معقولة بقى الحب مختصر فى دبدوب و بوكيه ورد؟..
بجد هيفوا احساس المفروض انه كان فى وقت من الاوقات ارقى احساس فى الدنيا..
مش تبقى تيجى يا لين :D
حبيت كتير وقليل ومفيش واحدة عبرتنى
خسرووووووووووونى بشدة
ماهو مش ده الفالانتيان اللي كان نفسي اعيشه
انا اصلا بكره الدبدوب الاحمر بشششع
بس انتي عارفة انه ده مش حب اكيد ده
مجرد استهبال ع الماشي و خلاص
شمس النهار
انا مش ضد عيد الحب او غيره بالعكس انا شايفاه فرصة الناس تفتكر تعبر عن حبها لبعض في زحمة الحياة اللي احنا عايشنها
انا بأيدك في اللي بتقوليه ان طريقة الاحتفال في الاعياد دي هي الي تدايق
يعني معقولة يبقى التعبير عن الحب بهدايا لونها احمر بس؟؟؟
فنوووون
انتي بتغيظيني يعني؟؟؟ مليش دعوة بقى انا عايزة ابقى معاكو !!
مش معقول بجد الهطل اللي بيحصل دة و لا الاحمر اللي عامل زي الزي الموحد في اليوم دة !!
كوم لوحده
انا حرة
انا بجد كان نفسي ابقى معاكو و غيرانة كمان عشان مش بعرف اشوفكوا :(
انما الحلو في الموضوع ان اللي عامل فيها راجل دة لو حد من اهلها ظهر في الشارع اللي جمبيهم حياخد فوشه و يجري
!!!ههههههههه
مودي يا فقري
حبقى افتكرك الفالنتين الجاي بحزمة فجل و خس
و و لا تزعل نفسك
هههههههههه
رييم
نورتييي
بقالك زمان مزرتينيش
المشكلة ان الاستهبال دة منتشر بصورة تشلللللل بجد
هابي هفلتين يا لولو معك حق طبعا الطريقةالمبتذلة اللي الناس بتحتفل بيها بتشل...
الحب كل يوم وكل يوم حب جديد وكل يوم في قصص حلوة بتبتدي وقصص بتنتهي والمعاني كتير اعمق من انها تتبهدل وتتسطح بالشكل ده....
اتمنالك حب على طوووووووول يا لولو وحياة حلوة وفلنتاين ما ينتهييييييش
هههههههههههه
الحب فعلا كل يوم و بكل لحظة كمان مو هدية لونها احمر و بعدين من وين لوين الآحمر لون الحب انا بدي ياه زهري طيب !!
شكرا يا فيدو
هههههههههههههه
تعرفى يا أختى
وانا بقرا الموضوع ده
افتكرت جمله كده كنت بسمعها
بتقول ايه
" يشفى الكلاب ويضرك "
هههههههههه
يلا
الله المستعان والله
ربنا يهدينا ويهدى كل المسلمين
ونسألكم الدعاء يا أختى
السلام عليكم
اهلا يا مصعب
نورت
ربنا يكرمك و يوفقك دنيا و اخرة و يرضيك و يرضى عليك :)
الهفلاتين اقبح شيء في مصر
تحس ان الكل بيضحك علي كله
هو مظاهر الاحتفال لازم تبقي دباديب وورد وكروت حمراء
كل سنه اشوف البدع والهيام والعشق المزيف
تيجي تقعدي بقي في اي كافييه انسي يقولك مجوز لغايه بالليل معهو علشان يعرفوا يحبوا بعض كويس لازم يقعدوا في مكان يلمهم بدل مايقعدوا في علي الكورنيش
السنه دي بقي حاجه غريبه ماشفتش ناس كتيره عامله كده يعني 4 ولا خمسه طول اليوم
وحتي كنت قعدت مع ناس بعد الظهر في كافييه لقيت بنات قاعده مع بنات مافيش ازواج خالص
ايه خلاص قلتم تقضوها من غير ولاد ولا اييه؟.ههههههه
احلي حاجه تقضي الفالنتن نوووم او علي التي في مع فيلم حلو كده
بدل ماتشوفي تزييف في تزييف
و الله يا دكتور حظك حلو
على رايك اقضيه في البيت احسن بلا وجع قلب
معرفش يا لينو بس بختلف معاكي ومش شايفة مشكلة ان كل واحد وواحدة انهم يعبروا عن حبهم بالشكل اللي يسمح بيه سنهم وامكانياتهم ومدى نضجهم
لو بنوتة صغيرة فرحانة بالدبدوب وماله
لو واحدة اكبر ومبسوطة بدعوة عشاء رومانسية وماله
لو زوجة مبسوطة بكلمة حلوة واعتراف من جوزها بدورها واظهار حبه ليها وماله
حلو اى تعبير عن الحب المهم انه يكون صادق لما قلناه، ومن الطبيعي برضه ان الصغيرين فى السن الحب بالنسبة لهم حاجات صغيرة وتجربة لسه مش ناضجة وفهمهم فيها على قده، بس برضه دي مرحلة كلنا او ناس كتيرة مرة بيها، وكان مجرد دبدبوب احمر أو قلب احمر هدية بيمثلنا حاجة جميلة قوي على قد عقليتنا ايامها
وأطيب تحياتي يا لينو وشكرا على مرورك عندى وشرفتيني
نورتيني blackcairorose
كل اللي قلتي عليه انا متفقة فيه معاكي لو كان الحب صادق
مش اصطناع و زيف اي حد معدي في الشارع يشوفه
انا مش ضد الاحتفال بعيد الحب انما انا ضد تسخيفه و استغلاله عشان اتنين يضحكوا بيه على بعض !!
إرسال تعليق