08‏/02‏/2009

بلا حدا


حد عارف شو يعني تحس بصدى صوتك في الكون ؟


هاد معناته انه برغم البشر و الآلاف من البشر حاسس انك لحالك بهالكون !!!!



لما اقرب الناس ينكروا عليك ابسط حقوقك كبني ادم بانك تحس بالضيق


او تقول آآآه او حتى تقول اللي بتحس فيه


كل حد فيهم بيرفع شعارات المثاليات بوجهك و بيبدى يعطيك مواعظ و اوامر


مش لانه على حق لا لانه المواعظ اسهله من انه يكون ايجابي


و يفكر يساهم بدوره فحل مشاكلكم لا بيرميها على كتافك و بيبدى يقول نظريات


حلوة النظريات بتعطي احساس بالاهمية و المثالية بس لو بتحط حالك مكاني


و تشوف اديش انت مثالي و انت عم تقولي


لا انتي غلط لازم هيك و هيك تفكري و هيك و هيك تتصرفي


و ما تتذمري و لا تقولي اخ و لا تحسي بتعب او ضيق


هو صحيح انتي عم تنأذي صارلك سنين و عم تتعذبي صارلك سنين


و عم تتمرمطي صارلك سنين و عم تنهاني كمان صارلك سنين



بس طبعا مش من المثالية من وجهة نظرك انه انا بيحقلي انه حد يوقف جمبي و يوقف بوجه اللي عم يظلمني !!


و طبعا انت رح تضللك تشوف الامور من هاد المنظور


لانه انا الناحية الاضعف اللي سهل يتنظر علي و ينقلي دبري حالك


غيري لو طلعت و نزلت و مهما قلت او عملت مش شايفك و لا معترف فيك و لا بمثالياتك


انت بس رافع شعار المحبة لانك مش قادر اصلا تعمل شي


مثالياتك تصوير لعجزك انا على الاقل قادرة اكون صريحة و صادقة مع حالي


و ما بدي اتاجر بمثاليات فيها و بلاها عم بدفع تمن عجزك!!!!


شكرا لمثالياتك لسة كفري فيها رح يفاجاك اكتر


و شكراااااا مثالياتك كانت سلبية كفاية لدرجة اني من 12 سنة و لحد اللحظة و ما بعرف لايمتى عم بدفع تمنها


مش جديد اني لحالي و مش جديد انه الايام تثبتلي اني ما عندي مين اتسند عليه


مش جديد اني عمري ما حسيت شو يعني رجولة في جنس الذكور !!!


مش جديد.........


بس الجديد اني ناوية اعيش حياتي و سلاااااااام بيكفي مثاليات


شبعت منها و شبعت من الوحدة


قتلتني


شعور انه البني ادم عم يحفر في الحياة بايديه و سنانه و ما بحياته فكر يطلب من حدا اشي


و برغم هيك مجرد انه يتعب يخلي الناس يقولوله لا تفكر حتى انه عنا استعداد نقلك هي كرسي ارتاح عليه


مش نسندك او ندعمك او نحاول نساعدك لالا اوعى تفكر تتعب ما عنا استعداد حتى ننزعج من تعبك


عبارة عن احساسي حاليا


احساس بانه لو للحظة تعبت او وقعت او حتى غلطت محدش موجود يقولي هي ايدي اتسندي عليها


يا عيشي لحالك و لا توجعي راسنا يا موتي كمان لحالك و برضه لا توجعي راسنا


انتي هون بأمان طالما عايشة لحالك و مالك صوت يوجع راسنا



الصراحة ما عندي صوت اسمعكم ياه عم غني هالايام الي و لحالي ليرضى عني قلبي و حالي

هناك تعليقان (2):

Yasmine يقول...

حاسة بيكي اوي.. اخر موضوعين ليكي انتي و فنون جايين في الجول بالنسبالي..بتعملوا فيا كده ليه يا بنات؟ :)

leeno يقول...

مالها البت فنون كمان؟؟؟

حروح اشوف دلوقتي

اهو كلنا بيتعمل فينا يا حبيبتي

ربنا يعينا و يفرجها علينا