لو كنت بجد حبيبي
كنت تبخل علية بكلمة بحبك؟
كنت تبخل علية بكلمة بحبك؟
ليه بحس انك
مش بتفكر حتى
انك تقولها؟
كنت تفضل حاسسها
و ساكت عنها؟
خايفة اكون مصدقة عنيك
و عنيك بتكدب علية
خايفة اجري ف حضن ايديك
و هي مش لية
حرام عليك لو بتحبني
و حرام عليك بعد دة كله
تبقى حاببني و سايبني
افكر و اسأل نفسي
ليه لو بيحبني مش
بيقرب مني ؟
بتقولها عينيك و
و الله حاسسها قلبي
لكن لازم اسمعها احسها
بكل حركة و نظرة و لفته
احس جواك بلهفة
اشوفك بتسابق الوقت
عشان تعرفني
بتجري على اي فرصة
تتلاقى فيها عينية و عينيك
كفاية بجد مش كفاية
كل فين و فين
احس بيها في عينيك
تعالى على قلبي و اخطفه
خد مني حبي و شوقي و لهفتي
و متستناش ...بحب في الحب
انه مبيخافش و بيبان مبيتداراش
بحبك ...
الكلام دة مش لحد ماشي؟؟؟
هناك 20 تعليقًا:
ماشي ياعم حد قال حاجه :D
بتفكريني بأغنية عمرو انا وهي
كان البعيد عمرو برضه بيحبها وفي الاخر مستني هي اللي تقوله
خليه مستني بقى
طالما الكلام مش لحد :$
حتى البعيد عمرو
حكمة و قالتها بنت عزية علية
على ما يتكلم نكون عدينا الاربعين و ان شاء الله على ما ربنا يفرجها و يقول بحبك بعد الستين و الفرح في الآخرة بإذن الله سيبك منه بلا وجع قلب دة عبعال
ياستي يارب ينطقها و هو جاي في ايده
المأذون كمان
طبعا مش لحد الكلام ده
ربنا يوفقك ويكتبلك الخير
واضح فعلا ان الكلام مش لحد
عايزه اقولك حاجه
فيه ناس مش بتعرف تعبر عن اللى جواها بالكلام واحيانا بيكونوا عارفين بس خايفين يتكلموا ويربطوا نفسهم بشئ ممكن الظروف تمنعهم انهم يحققوه
بس كفايه انك تحسى بحب انسان من نظرت عينيه واهتمامه ده لوحده شعور جميل
ده على اساس ان الكلام ده مش لحد
منوراني يا ريم
وحشتيني علىفكرة
و يا ستي مش لحد بس يارب برضه هههههه
الشاردة
ايييييه يا قمر مش لحد فيييه ايه بس ههههه
على العموم مش كفاية تفضلي تحسيها فعنيه كل فين و فين صدقيني بتزهقي بتبقي عايزة تحسيها اكتر
تحسيها فعنيه فكرمه حركاته لهفته عشان تحسي انه حب متكامل بجد مش مجرد كم نظرة
طمع بقى و طمع الحب حلال و مستحب كان هههههههههههههههه
و بعدين مش بيعرفو يعبرو ليه القطةكلت لسانهم؟
و برضه مش لحد ماشي؟؟
بما انه مش لحد ومجرد كلام في الهوى
فأنا هوفر تعليقي:p
و جاي على نفسك اووي كدة ليييه يا صبري و مكلف خاطرك عشان تقولي حوفر تعليقي؟
قول اللي عندك و اتقي شري
ايه يا بنتى ده...
انتوا كلكوا بتقولوا مش لحد..
خير اشاء الله :)
زى ما قالت الشاردة..ممكن الظروف تمنع
انه يقولها
اساسا انك تحبى حد وهو يحبك وتبادلوا الحب ده بنظرات بس..
دى بتبقى قمة المتعة..
برضوه على اساس انه مش لحد..
:)
مش مقتنعة على فكرة ان فيه حد
مبيقدرش يعبر عن اللي جواه
و الظروف يمكن تمنع بس ما تمنعش المشاعر الحقيقية عشان منقدرش ندفنها
ردي دا مش لحد
بس كلامك دا دليل على ان في بعض الامل يمكن يلون الحياة من جديد
بس كلامك دا دليل على ان في بعض الامل يمكن يلون الحياة من جديد
امل ايييه بس يا احمد؟؟؟
خليها على الله
:)
ازيك يا ايمان؟
وحشتيني
happy eiiiiiiiiiid
لينوووو
طالما مش لحد فا احب اقولك ....
ان كل الرجاله عاوزه تنضرب بالنار :D
و هابي عيد ليك يا فقري
نغوووووووومة
منورة البلوج اهلا اهلا اهلا
بس حرااام نضربهم كلهم بالنار ربنا ميرضاش بكدة :)
حرام ايه يا بت انتي :@
انتي معاهم و لا ايه :D
لما اقول يستاهلو ينضربو بالنار يبقى يستاهلو
مفيش راجل مش خاين
ماشي يا ستي اضربيهم باللي انتي عايزاه حتى مية نار لو عايزة
انا اخاف على نفسي
إرسال تعليق