شوية فضفضة عشان حاسة اني مش عايزة اسمعني و لا افهمني
قلت اكتبهم هنا يمكن اسيب لنفسي شوية حرية تقول اللي جواها من غير ما تخاف مني
مش عايزة اصرح لنفسي مش عايزة اعترفلي اني مصدومة
مصدومة علشان انت على بالي طول الوقت
بفكر فيك اغلب الوقت
بتمنى منك كلمة كل ما يمر علية دقة قلب
عايزاك و بحلم بلحظة لقاك اكتر ما ممكن انا اصدق انك جوايا سكنت
تعبانة من شوقي ليك و بجد صعبان علية انك واحشني و عمري شفت اللهفة فعنيك
خايفة من اول السكة و من اخرها
عايزة امشيها و مش عايزة
خايفة من اللي فيها و عايزة اعديها
كتير بيندهلي صوت جوايا و يقولي ابعدي اهربي ارجعي
و باجي على نفسي و اقول خلاص انا قررت انك تنسي و تبعدي
و اول بس ما الاقيني قصادك ارجع اضعف قدام حنيني و لهفتي ليك
ايمتى اللي بيحصل دة حصل و بيحصل ليه ؟؟؟ اسئلة كتير جوايا و مش عارفة ليها رد و لا جواب
بحبك ؟ لا موصلتش لكدة لسة ... او يمكن انا معرفش ايه الحب عشان اقول عليك حبيبي و لا مقولش
عايزاك اكيييد تبقى حبيبي و مش عايزة ادخل مجازفة المحاولة في اني اخلقلي وجود جوا قلبك و الاقيني قدام الفشل
و قدام عذاب نفسي و عقابها عشان رخصتها و هي بتجري عليك
طب اعمل ايه ؟
اقول ايه ؟
دة انا حتى خايفة من بصة عيني لعنيك
اخرة السكة دي ايييه ؟
هناك 8 تعليقات:
الكلام ده جمييييييييييل قوىىىىىىىى
مش عارفه اذا كان الشخص ده موجود فعلا
ولا جواكى انتى بس
بس كده او كده هيكون انسان محظوظ
تسمحيلى اضيف المدونه بتعاتك عندى
وما فى الأرض أشقى من محب .. وإن وجد الهوى عذب المذاق
تراه باكيا فى كل وقت .. مخافة فرقة أو إشتياق
فيبكى إن نأوا شوقا اليهم .. ويبكى إن دنوا خوف الفراق
فتسخن عينه عند التلاقى .. وتسخن عينه عند الفراق
فاحذرى يا أختى , إن الهوى حقا صعب السياق , فعليكى بالدعاء الى الله الواحد الخلاق
والله من وراء القصد
السلام عليكم
ربنا يديكي كل كل خير يارب..ويسعدك
الشاردة
متتخيليش انا سعيدة بوجودك في مدونتي قد ايه؟
ياريت تفضلي تنوريني دايما و انا افتخر انك تضيفيني عندك
و حبقى سعيدة اكتر لو اسمع رأيك بشكل متواصل
ياريت تبعتيلي لينك مدونتك بليز
muslim
انت فعلا نورت المدونة و بشكرك من قلبي
الشعر اللي كتبته معبر و بيمس المشاعر بصدق غريب
و ربنا بجد يثبتني و يقويني و ياريت تفضلو تدعولي
عشان بجد مش عايزة اقع
ايما سمامصر
بحب اشوفك منورة المدونة دايما
يا بخته بيكى
لين..
كلماتك فيها احساس قلب موجوع ..
نفسه يمشى لحد الاخر بس للاسف الطرف التانى مش مساعده
ومع ذلك انتى بتجازفى وع استعداد تضحى..
لو شايفة ان السكة ملهاش اخر...ارجعى يا بنت الحلال
احييكى بجد ع كلماتك ومدونتك جميلة
لا بد للقصص من بداية ولابد لها من نهاية ولكن ما بين البداية والنهاية لا يكون مرحلة معسولة بل يكون طريق محفوفة بالصعاب فالحياة لا ينبغي لها ان تكون سهلة الدروب وإلا لما شعر الانسان بحلاوة المنال عندما يحصل عليه...
مع كل ذلك نسير على الجمر ونخوض التجارب فلا احد يعلم الى اين تقودنا الطرق فنحن لا نرى سوى ما تحت اقدامنا لذلك يجب ان نتابع لنصل للنهاية التي قد تفاجؤنا بسعادة باهرة او قد .... لا احب التشاؤم فلنتفائل ولنسير معا لنرى أين سنصل والله ولي التوفيق
مودي يا فقري
هو مش مهتم على فكرة و ميعرفش و مش يابنه خااالص عشن مش قباله اصلا :)
موني ياقمر مرسي على تعليقك عندك حق و انا تقريبا تقدري تقولي لفيت و رجعت
فيدو في قصص مكتوبة هايتها قبللا تبتديها
يبق ننهيها احسن ما تنهينا :)
إرسال تعليق