10‏/11‏/2010

حالة خاصة



عن أحد شبابنا

اللي زيه زي كتير من ولاد البلاد العربية

شاب اتربى على الاخلاق و الدين و في عمر 18

قرر انه عارف الحياة و محدش غيره يفهم فيها

و الحياة زي ما فهمها هي عبارة عن

متعة مهما كانت:

تشمل :فلوس باي شكل و كم و طريقة - شكله حلو – جذاب – بنات – خمرة – سهر و شمات هوا – و شوية صحاب لزوم المزاج !

و بس

خلص الثانوية و اهله فرحانين في ابنهم لانه طول عمره متفوق في دراستة و بوادر فهمه الجديد للحياة لسة مظهرتش علنا و بعتوه على ارض الاحلام امريكا

و هناك عمل اللي اهله محتاجينه و درس و نجح و اتفوق و ترسخ مفهومة عن الحياة زي ما وضحت من شوية

و حب بنتين في نفس الوقت وحدة مركونة على الرف لانه مستنيته يرجع حضنها مهما عمل و مهما بعد

و بنت امريكانية فاهمة زيه الحياة !!

اتزوجها في عمر 21 سنة و في عمر 23 خلف ولد

و في يوم من الايام خانته (بمفهومنا احنا عن الحياة)

و كان عمر ابنهم سنتين و صحيت جواه فكرة الخيانة و ابتدى يفكر في مفهومه مرة تانية عن الحياة

و رجع للدين

و حصل الصدام بينه و بين زوجته

و اخيرا الطلاق

و بحسب القانون الامريكي

الولد مع الام

و طبعا احتدت الخلافات و اخدت الولد و طلعت امر محكمة بانه ممنوع يقرب منه و ملزم بنفقته

و ماشوفوش بعدها

و اتجوز تاني البنت اللي مستنياه و هي الحقيقة من شرق اسيا و مسلمة

و خلف كمان ولد

و برضه احتدت الخلافات بينهم ووقع الطلاقلكن بيشوف الولد مرة في الاسبوع و بيقضي معاه الاجازات

حاليا بعد 18سنة الولد الاولاني تم 20 سنة


و على بروفايله على الفيسبوك

كاتب اسم اب امريكي( اللي هو زوج امه)

و الديانة مسيحية كاثوليكية

و وجهة النظر السياسية : الحزب الجمهوري الامريكي

و له صديقة عارض صورته معاها و الاتنين شبه عراة في الهالوين

و حاليا بيدرس على حساب الجيش و قريبا حيتخرج ضابط في سلاح الجو الأمريكي

==============================

الولد التاني عمره 15 سنة و على بروفايله على الفيس بوك

كاتب اسمه و اسم ابوه الحقيقي

الديانة مسلم و لي الفخر

وجهة النظر السياسية : لايوجد

و ملهوش صديقة

و يحلم يدرس هندسة


الشخص اللي انا بتكلم عنه

مرباش لا الولد الاولاني و لا الولد التاني

الامهات ربوا الاتنين

===========================

سؤالي

اشمعنى اي حاجة في الفتاوى الدينية خاضعة للنقاش و التطوير و التغييرالا موضوع زواج الرجل من امرأة من غير دينه

يا ترى حرية زواج الرجل منطقة محرمة في فتاوانا الدينية؟

واي ما يخص المرأة عرضة للتشدد الديني مهما كان غير مبرر

و اي ما يخص الرجل منطقة محرمة لا يمكن الاقتراب منها؟

اي حد حيقولي انه حالة هاد الشخص حالة خاصة

يراجع معلوماته و حيعرف انها ظاهرة متكررة و بكثرة

هناك 3 تعليقات:

Ahmad يقول...

هناك أشياء قابلة للجدال و هناك أشياء حاسمة لا لبس و لا جدل فيها
الموضوع مش موضوع خيار و فقوس

dr.lecter يقول...

للابد

leeno يقول...

احمد

هو اللي انا عم بحكي فيه تماما انه مين حرم الخوض في المنطقة دي؟

دكتور
ايه قصدك للابد؟