08‏/08‏/2009

?Do you beleive in love




صديقة باغتتني بالسؤال اليوم !

Do you believe in Love?

بامانة بالغة باغتني خلو قلبي من الرد للحظات و هل في الحياة من اللآملموس و أقدر أن أجزم بأنني أؤمن به !

تحديدا هي عنت حب المرأة للرجل ! و أنا لم أحيى حقا هذا الحب فكل ما عرفته بضع لحظات من أحاسيس دافئة أحرقتها دوامة الحياة قبل أن تقترب من وهج الحب ... كانت مجرد روائح عطرة لم تدم كالزهرة تمتع حواسك و لكنها سرعان ما تذبل و تفقد بريقها

و لأخفي حرجي لأنه لا رد على السؤال لدي قلت لها :
و كيف يمكننا أن نعرف ما معنى الإيمان هنا

define believe!

و مع كناقشة للتعريفات و ما تعتقد و ما أظن

كنت أخفي عنها حرجي من أن لا جواب لدي لأسباب عدة

منذ زمن برهنت لي الحياة بأنه لا يوجد أي من

1- الكمال : لست أبحث عن الكمال في الحب و لكن لكل شيء في الحياة عيب و و نقص أو على أقل تقدير جانب من الصعوبة !
و الحب كما يتوقع المحبين له لون وردي كامل فكيف لي أن اتوقع ما اللون الذي سيعكر صفاء عذوبة لون الورد؟

2- القيم : كثير من القيم التي تبعث في النفس الافتخار بالتحلي بها او الايمان بها هي مجرد كلمات على ورق و في روايات الكتب !

و الحب قد يكون كلمة من مجمل الكلمات المصفوفة في الكتب بجمود غير قابل للنطق !


3- الاختلاف : لكل منا رأيه الخاص و منظومته الخاصة في تعريف ما يقبل و يرفض و ما يحب و يكره من أخلاقيات و طباع و عادات و ...و الحب بين طرفين و أنا لم يحدث و أن أحب من لديه أي منظومة مشابهة من منظومتي و هل من الممكن أن تتشابه المنظومات .. لاأعلم !


4- الحب : لي تعريف للحب ... ليس بالخيالي و لكنني حقا لا أعلم إن كان موجود!! ليس لدي الإثبات بأنه غير موجود ! بتعريفي أنا سمعت عته في بعض القصص الواقعية و لكن في زمان مضى .... للتأكيد فقط .. لست من المؤمنين بالحب الأبدي و بنظرية استمرار المحبين بالسير مدى الحياة متكاتفي الأيدي و بخط متوازي على الدوام ! قد يبقى الحب و يفترق خط سير المحبين و قد يتلاقي خط سيرهم و يفترق المحبين ! قد يكون الحب موجودا و لكن استمرارية المحبين و الحب ....... لم يثبت لي بعد أنها حقا حقيقة ملموسة !
الحب لا بد له تعريف و صفة و ربما لكل منا تعريفه الخاص للحب و بناء عليه يؤمن بأنه موجود ... غير موجود ... وهم ...

هل تؤمنون بالحب ؟ و ما تعريفكم للحب؟

حقا أود أن أعلم :)

هناك 11 تعليقًا:

ســـــاره يقول...

الحب مالوش عندي تعريف
يعني اوقات بتسئل السؤال ده وبحاول اعرفه بشئ بسيط بس برضه مابيوفيش الحب حقه لدرجه اني حسيت انه فعلا مالوش تعريف ..

الحب شعور رباني فطري من شخص لآخر صوره او اوجهه هي اللي بتختلف ..

واه يالونا طبعا مؤمنه بالحب .. شوفي مهما حصل ومهما الواحد اتعرض لمواقف حيفضل الحب موجود .. النظرة السوداوية للحب مش في قاموسي ابداا الحمدلله .. حتى لما بكتب ممكن اعبر عن موقف ..عن فراق ..عن خصام.. عن اي حاجه بس بيفضل الحب موجود ..

يعني مش من النوع اللي بقول مافيش حب الزمن ده من خلال تجارب الآخرين ولا حتى لو مريت بموقف هو بتأثر وممكن اخد موقف شخصي انما مش من المشاعر نفسها ..

الإختلافات وارده ياحبيبي مافيش اتنين في قالب واحد ابدااا .. اصلا الحياة هتبقى ممله لو انتوا متشابهين في كل حاجه .. الإختلاف بيولد نوع من كسر الملل في النظر لإهتمامات اخرى بس الإختلافات الجذرية اللي بتهد مش بتبني دي اللي بجد مشكلة..
في اساسيات يالين المفروض مايكونش عليها اي اختلاف ولو انوجد في الأساسيات يبقى الحياة صعبه الا بتنازل احد الطرفين .. وقتها هيتم التعامل مع الموضوع بشكل تاني..

الحب الأبدي موجود والله اومال الناس اللي بتعيش 60 و70 سنه مع بعض دول ايه ؟
لالا يا لونا موجود وربنا بس بتختلف طريقة التعبير عن الحب من عمر لعمر .. وصدقيني بيفضل في شئ جميل بين الشخصين هم بس اللي بيحسوا بيه ..

الإنسان بالحب بيحس انه في حالة شباب مستمر يبقى ازاي نقول مافيش حب لا إحنا بحاجه للحب عشان نقدر بجد نعيش فلازم نتفائل انه موجود لأنه فعلا موجود والله.. الوحده بس تدعي ربنا انه يكتبلها الإنسان اللي يقدرها ويخاف الله فيها لأن هو ده الشخص اللي هتحسي معاه بمعنى الحب وجماله..

Fatma يقول...

الحب بالمعنى المتعارف عليه في نظري بيكون حقيقي فعلا لو لاقيت نفسك بتسأل هو أنا بحب البني آدم دا ليه وماتعرفش ترد على السؤال دا ابدا

بمعنى انك بتحبه من غير اسباب مش لانه مناسب ولا لانه ممتاز ولا لانه بيحبني ولا ولا ولا

لما تحبي حد من غير اسباب يبقى دا حب

لو سببتيه يبقى مش حب هو نوع تاني من الحب اللي بنحبه بكامل ارادتنا وبكامل ادراكنا ودا يبندرج تحت بند الاعجاب الشديد والارتياح والقبول والرغبة وشوية حاجات تانية وبنسميه مجازا حب

الحب في نظري أنا هو اني لما يبقى عندي 60 او 70 سنة لو ربنا اداني العمر ابقى قاعدة جنبه وببصله وبقول الحمد لله اللي رزقني بيك والحمد لله اني عشت حياتي جنبك واتعكز عليه ويتعكز عليا ولما ننام بالليل ياخدني في حضنه ويقولي بحبك :)

mUsLiM يقول...

من كتر ما اتسألت السؤال ده أو جاوبت عليه حسيت انه سؤال راتب وممل اوى

لكن عموما الحب احساس مش محتاج تعريف ولا حاجه

طيب ما هو الماء ؟

ما هو اللون الأخضر ؟

ما هو الليل ؟

عرفيلى النهار ؟

الحب هو حب

صهله يعنى

اما بالنسبه للإيمان بيه فاكيد اى انسان بيحب واكيد اى انسان بيؤمن بيه

لأن كل انسان بيحب نفسه على أقل القليل :)

والحقيقه انا مبحبش الكلام الكتير فى الموضوع ده

بحس بالتعقيد والكلاكيع بعيد عنك

هههههههه

السلام عليكم

Yasmine يقول...

الحب عندى هو انك تبقى ماشية طول عمرك جنب الحيطة و تلاقى فجاة انك بتتسحبى لوسط الشارع و الغريبة انك مش هتحسي بالخوف..بالعكس هتبقى عايزة تكملى للاخر حتى لو مشيتى عكس الاتجاه

دا الحب اللى انا مؤمنة بيه..موجود بالصورة دى فى الواقع؟..اكييييد لأ :D

لكن مفيش شك ان فى احاسيس كتير حلوة موجودة و انا مقتنعة تماما ان كل واحد بيدور على الحب هيلاقيه حواليه بطريقة او بالتانية..لكن بالنسبالى المشكلة انى مش بحب الحاجات السهلة..مش عايزة الاقيه فى اللى حواليا..عايزاه هو اللى يلاقينى..فاهمة حاجة؟ :D

الشارده يقول...

الحب احسااس جميل ربنا خلقه فينا علشان نكمل بعض

الحب بالنسبه ليا شامل كل الناس مش مجرد حب بين رجل وامراه
بس لو هنتكلم عن الحب بين الاتنين فهو بالنسبه ليا زى ما ربنا قال
موده ورحمه

leeno يقول...

سارة

ثقتك في الحب بجد جميلة

و بتدي احساس حلو

كنت بقرأ ردك و انا مبتسمة

استمتعت بيه جدا

بس مش عارفة ليه مش حاسة ان في حاجة اسمها حب ابدي ... مع اني شفتها في الجيل اللي سبقنا بس في جيلنا معرفش مشفتش الحب دة ... يمكن شكل الحب اتغير

leeno يقول...

فنون !

جبتيلي سكتة

مش عارفة ارد

تعريف جميييييييييييييل للحب و رومانسي جداااااااااا

ربنا يرزقك بيه يارب

leeno يقول...

مسلم

يادي الكلاكيع ليييه كدة

بس انت قصايدك في المدونة موضحة ايمانك الشديد بالحب :)

leeno يقول...

انا حرة

ردك حلوو اوووي

و جميل انك مقتنعة ان كل حد بيدور على الحب حيلاقيه

يارب يرزقك باحلى من اللي بتتمنيه

leeno يقول...

الشاردة

الحب موجود في كل حاجة انا معاكي

هو كان النقاش عن الحب بين الرجل و المراة

مودة و رحمة كلمتين مختصرتين لمعاني كتيييييييييير

ياريت بجد لو يبقوا اسا تعاملاتنا

غير معرف يقول...

ana baaoul en el 7ob sho3roh 7elow awy we yban lama tesm3y kelma ba7bek kelma gamila gedan we e7sasaha 7elw awy da 3la 3la alakal wa lama yamsek edeky wa lama yaaoulak 7abibik wa7shtiny walama tesme3y meno kelma ya 7abiby wa te7sy be elgamal fi maska el edeen wa te7sy be nashwa el e7sas wa lama yegeer 3liky fi lebs maslan aw men nathrat el nas leky bas ya reet kol el yeakraa yede3ily 3shan ana mtkhanha ma3 7abibi da3wtkom