22‏/10‏/2008

بيقولوا حب !!

بحبك؟
لا كلمة بحبك قليل
عمرك سمعت عن حد بيحب حد و يتمناله غيره حبيب ؟!!
طب عمرك شفت حد من كتر ما بيحب حد نفسه يشوفه مع احلى حد و احسن حد و اذكى حد؟
و لو مكنش الحد انا؟؟؟ شفت فحياتك حد بيتخبى ورا الحب و اسماء العلاقات البعيدة تماما عن الحب بس عشان خايف من انه ظروفه تجرح حبيبه ؟
خايف ليوم يجي عليه لحظة يحس بالم او جرح مني او من حياتي ليجي عليه لحظة يقول ياريتني لما اخترت اخترت حد عادي و حياته زي حياتي !!!
بدورله على حد يبقى احن مني عليه ... خايف من نسيم الهوا ليدايق عنيه ... حد يعيش و همه انه يستغل كل لحظة و فكرة و حركة و نظرة عشان يسعده و يريح قلبه و باله و يداري جوا عينيه؟؟
اهو انا ....
من كتر ما بحب حبيبي خايفة اقرب منه لأني خايفة اظلمه لو قربت خطوة اكتر و قربته باي شكل غير اشكال الصداقة!!
بدوب لو بس شفته برتاح لو اعرف اني حقابله .. بسمع صوته بلهفة و بتمنى اي صدفة او فرصة تجمعنا سوى ....
و حفضل يمكن طول عمري عايشة احلم مش لنفسي لا بحلم ليه !!
بحبه؟ مش عارفة لو كان الي فقلبي حب ؟!
بس لما كنت اسمع كلام الي بيحبو عن الحب كنت بقول مبالغة
و انا ليش اقول لحد بعشقك لدرجة اني بخاف عليك اكتر مني او بخاف اخسرك اكتر ما بخاف اخسر الحياة
و ان بعد برضه اتمنا لحظة لقا تجمعني بيه
و اتاريني لما حبيت مسيبتش و لا اي نفس من افاسي من غير ما اتنفسه ليه !!!!!!!!!!!!!
معقول هاد حب؟
كلام مقتبس من قلب بيحب
شفتو قلب بيحب كل هاد الحب؟

هناك 12 تعليقًا:

غير معرف يقول...

اسخف شيء في الدنيا اننا نستكتر الحب على نفسنا.. اللي بتحسي بيه ده شيء غلط.. احنا ليه بنحب نعذب نفسنا وبنتلذذ بده..

عرضك للموضع يمس القلب يا لينوتشي.. انا تعاملت في ردي على انك انتي صاحبة القصة لأنك وصلتي الاحساس ببراعة

غير معرف يقول...

لا يا اختي ... انا لو بحبه احب يبقى ليا لوحدي ... فاتحه انا جمعيه احبه و يروح لغيري :D ده يبقى نهار اهله black و ما طلع لوش sun خالص و dark زي لون عينيه....
بقه انا اتعب قلبي و اعصابي و عقلي و في الاخر يروح لغيري .... على مين .. انا نغنغ
احبه يبقى نبقى سوى غير كده مش حب انا هبقى بعذب نفسي ع الفاضي و المليان
قال بحبه و يروح لغيري
عاوزاني اتجلط :@:@

غير معرف يقول...

على فكره

انتى عمرك ما كنتى عاوزه كده ,,

بس لما اتسدت كل الطرق قادم قلبك ,,

معرفتيش ترضى مشاعره واحساسه ازاى الا بالتفكير ده والطريقه دى

وده أخف العذاب بالنسبه ليكى ,,

لكن مفيش انسان فى الدنيا يحب حد ويبقى عاوزه لغيره

يبقى كذاب وبينافق نفسـه

لكن مفيش مانع ينافق نفسه لما كل الطرق تتسد قدامه انه يتزوج حبيبه

فيفهم نفسه الاحساس اللى انتى كتبتيه

استمرى على كده

ومتخافيش

الزمن بيداوى , واللى قال الكلمه دى كان فعلا مسدد من الله عزوجل

والانسان من النسيان كان اسمه

واللى جى أحلى ان شاء الله

وخلى ثقتك فى الله كبيره (( ابتسامه ))

.........

برده انا اتعاملت من نفس منطلق صبرى

غير معرف يقول...

مش عارفه اقول ايه
صعب اوي الموقف والاحساس ده
بس انا متفقه مع صبري في حاجه
شئ سخيف اوي لما نستكتر الحب على نفسنا
ليه منبقاش واثقين في نفسنا اكتر من كدا ونبقى عارفين اننا فعلا نستاهل
طالما احنا بني ادمين نضاف بجد ونستاهل بجد
انا لو في الموقف ده مش هاعمل غير حاجتين بالظبط
لو هو بيحبني عمري ماهاستكتر حبه على نفسي..وعمري ماهاتمناله حبيبه غيري

ولو مكانتش مشاعره ليا
يبقى ساعتها هابعد والزمن هايداوي زي ماقال مصعب بالظبط

بلاش نستخسر الحب على نفسنا
وبلاش نقلل من نفسنا
طالما احنا فعلا نستاهل

غير معرف يقول...

صبري مش بنستخسر في نفسنا الحب بس بنخاف على اللي بنحبه من اغلاط فينا او في حياتنا او في ظروفنا و فرق كبير بين الشعور دة و بين العذاب اللي ملهوش داعي في الحب

غير معرف يقول...

نغومة

اتمنى انك تحبي و تتحبي بجد حب حقيقي و نقي و يدوم ما بينك و بينه

غير معرف يقول...

مصعب

يمكن علشان كل الطرق اتسدت و يمكن عشان الخوف من ان الطريق مقفولة و مسدودة قبل ما نمشيها و الخوف من ان الحبيب يسيبنا علشان ميتعبشن ظروفنا ......

و عموما كله نصيب في الاخر

غير معرف يقول...

نور يا حبيبتي

الحب حلو و جميل و كل الناس تستاهله

بس مش كل حد يتحب و يحب صح

غير معرف يقول...

تصدقي مش عارفة اقولك ايه؟

اخاف اقولك اتشجعي و روحيله و ما تستكتري الحب على نفسهم بكرة تبقى الخطوة دي مش في صالحك و تقولي ياريت اللي كان ما جرى

خايفة اقولك انت صح وبلاش تصرحي تعشي عمرك ندمانة على انك ضيعتيه بنفسك

اقولك اللي فيه الخير ليكي ربنا يسهلك طريق الخير ليه

غير معرف يقول...

اللي بيحب حد بيحس انه عايز يشوفه اسعد واحد في الدنيا

وبيتمناله احسن حاجة في الدنيا

وطبيعي ان كل واحد يشوف نفسه احسن حد في الدنيا

واكتر واحد يقدر يسعد الحبيب دا

الاحساس اللي بتحكي عنه ما حصليش وما اظنش هيحصلي

لين

وحشتيني اويييييييييييييييييي

غير معرف يقول...

ريم الحب مش محتاج يتقال

الحب بيتحس و يتفهم من نظرة العين

و اللي ميحسوش و لا يفهموش من كلام العين

عمره ما حيفهه لا بكلمة و لا بنظرة و لا بغيره

غير معرف يقول...

كويس انه محصلكيش يا فنون

لانهاحساس مرير و صعب


بس صدقيني مش كل الناس بتحس انها احسن حد

في كتير ناس عارفة عيوبها و عارفة ان قربها من حبيبها حيحرقه فبتبعد


:)