مبارح بالصدفة اتفرجت على برنامج اسمه ابيض و اسود
المذيع مصطفى فهمي و المذيعة افتكر اسمها مها عتمان
الفكرة من الحلقة نقاش بين الأزواج – الرجل و المرأة الشكاكين
في البداية كان النقاش عن صعوبة الحياة في جو من الشك الممل و القالتل للحب
و بصراحة الشك من ابشع الصفات فعلا
و اكثرها اهمية في تدمير الحياة الزوجية او الحب
و كانت المفاجئة عندما ابتدى النقاش مع الجمهور
و كان اول سؤال
لماذا يشك الرجل؟ ما يدفعك للشك؟
الشاب : لبس البنت .. اهم حاجة لبس البنت لو لبسها مش محترم اشك فيها على طول
مصطفى :!!!!! و دخل اللبس ايه في الاخلاق ؟
ما ممكن تبقى لابسة تمام و اخلاقها مش تمام و العكس صحيح
....
الشاب 2 : انا من حقي اشك ... في بنات كتير
مصطفى : يعني ايه؟
الشاب 2: يعني في كتير بنات و بيخرجو و بيذاكرو .. انا من حقي اشك..
البنات يتشك فيهم دول مش قاعدين في البيت و قال بيشتغلو و بيروحو متاخر
مصطفى: تفتكر يعني اللي بتروح مش متأخر و لا حتى الضهر لو عايزة تعمل حاجة مش حتعملها؟
و لو حتى قاعدة و مقفول عليها و عايزة تعمل حاجة بتعملها
الشاب 3 (مفعوص اووي على الكلام دة بصراحة) : انا معترض (فكرني بسعيد صالح انا احتج)
انا مش موافق ان الي بتخرج ممكن تغلط لا
اللي قاعدة في البيت ممكن تعمل بلاوي لو عايزة
المذيعة برافو (استنى يختي شوفي حيكمل يقول ايه)
البنت ممكن تبقى قاعدة على النت و فاتحة الكام و عاملة بلاوي
و تدخل تشات روومز و تقول كلام حقيير جداااا انا بشوفهما
المذيعة: و حضرتك ليك حق تعمل كدة؟
الشاب 3 : من حقي انا راجل !!
انا لو عايز اخد وحدة اتطمنلها لازم تكون قاعدة في البيت ... تعليم متوسط ... مبتخرجش غير مع اهلها و اعملها فحص عذرية
مصطفى : فحص عذرية؟؟؟ !!!!
ليه هو دة اللي حيمنعك تشك فيها؟
ممكن تبقى متفقة مع الدكتور ؟
الشاب 3 :لا اخدها لدكتور بتاعي متعرفهوش !
و انا لو مش حعمل الفحص دة في حالة وحدة ابقى مرب... قصدي نبقى كبرنا سوا و عارفها كويس
او قريبتي
المذيعة : و انت ايش ضمنك قريبتك يعني؟ بنات الناس بتغلط و قريبتك لا؟
الشاب (اتحمق طبعا) اااه احنا بناتنا متربيين
مصطفى : و بنات الناس لا؟
الشاب 1 + الشاب 2
اه طبعا تعمل فحص عذرية غير كدة منتطمنش و متلزمناش
الشاب 1
و هي طالما مزبوطة حتخاف من ايه؟
........
البنات ابتدو يتكلموا في الموضوع
البنت 1
انا خطيبي طلب مني بعد سنة و نص خطوبة
و قبل كم شهر من الجواز اعمل فحص عذرية
مصطفى: و انتي كانت ردة فعلك ايه؟
سبتيه و قمتي؟ رميتي الدبلة؟ و لا حسيتي انه طلب عادي؟
البنت 1: لا دة طلب مني كدة على التلفون
المذيعة: موضوع كدة على التلفون؟
مصطفى: كان احساسك ايه ساعتها؟
البنت : فسخت الخطوبة .. لان حياتي معاه حتبقى مبنية على الشك
...
البنت 2 : انا خطيبي طلب مني نعمل فحص الزواج العادي
و انا وافقت لانها حاجة عادية جدااا
و بعدين فهمني ان هو عايز كمان فحص عذرية لما قرب معاد الفحص
و انا وافقت و قلتله ماشي و حكيت لأهلي
و مع اني رافضة المبدأ و رافضة ان دة الاسلوب اللي يخليه يثق فيه عملت الفحص
عشان اثبتله ان انا كويسة و اخلاقي كويسة
و فسخت الخطوبة بعدها
...
أحدى النساء من الجمهور تدخلت
المرأة : انا لو انطلب من بنتي تتفحص .. حوافق.. احنا بنشوف بلاوي ...
تلاقي البنات قاعدة فكافيهات
و لا بسة لبس رهيب و بتخرج تمشي و الله اعلم بيعملو ايه !!!
المذيعة... ايه دخل الكافية في ان البنت محترمة او لا ؟!
المرأة: البنت لما تقعد في مكان عام يبقى دة معناه انها مش محترمة
لان انتي متعرفيش بتعمل ايه لما تقابل الناس ...
ممكن تقابل اي حد اتعرفت عليه هناك و تعمل معاه حاجة
المذيعة .: الكل كدة و مش دة الاساس من قعدة الناس في اماكن عامة !
................
انا لحد هاد الكلام و ما عدتش قادرة اتفرج اكتر !
و من ساعتها و انا عندي تساؤول ملح جدااااا
هو احنا كيف وصلنا لضيق الافق هاد ؟
كيف وصلنا لمرحلة اننا مجتمع مريض لهدا الحد ؟؟
اي فكر عم يتسلل لدماغ شبابنا و بناتنا و اللي بيربوهم كمان ؟!!!!
هناك 5 تعليقات:
ادي نتيجه التربيه المتخلفه وفهم الدين غلط
ادي نتيجه التناقض في السلوكيات في المجتمعات العربيه
انا باحيي موقف البنت اللي فسخت بجد خطوبتها
هو اه فعلا في ناس عقلياتها كدة بس انه يبقى السائد يعني كل الشباب اللي قاعد مؤيد ومع بصراحة مش مقتنعة
و بصراحة عمري ماسمعت خطيب طلب حاجة زي دي في حياتي لا زمان ولا في لاالوقت الحالي
دول شكلهم مختارين ناس واصلة لمستوى مرضي من الشك و اي بنت واعية اكيد مش يلزمها ذكر بيفكر كدة للاسف الواحد فعلا مش عارف يقول الغلط في التربية ولا الشخص نفسه بس بيني وبينك اللي بيخاف اوي كدة و شكاك للمرحلة دي يبقى هو بيعمل ده يعني كلا يرى الناس بعين طبعه
نورت يا دكتور
و انا بحترم رأيك جداااا
و بأيدك ان التناقض و التربية المتخلفة هو اساس التفكير المريض دة
الاهم ان احنا بقينا بنعتبر الدين مظهر و بس معدش صلة روحانية بالله و دة السبب اننا بنحكم على الانسان من خلال جسده اولا
نورتيني يا ريم
معتقدتش انهم مختارينهم كدة
ممكن يكونوا متقين معاهم على الحوار
بصراحة فكرة فحص العذرية زادت اووي الفترة دي اووي (ممكن مش في المجتمع السعودي)
لكن في مجتمعات تانية يعتبر بروتوكول ان قبل الفرح البنت تروح دكتور تجيب شهادة بعذريتها عشان تحمي نفسها لو العريس تطلع لاي سبب مفتري و قال انها مكنتش عذراء .. يكون عندها اثبات بالكلام دة
انا رأيي
الشباب في كتير منهم فسدان و طبعا عايزين بنت عفيفة لانهم خايفين من اللي هببوه فحياتهم و دة سبب
بس القرآن الكريم بيأكد ان
الطيبون للطيبات
و الزاني لا ينكح إلا زانية
اللي فسدان مهما عمل ربنا مش حيكرمه بانسانة كويسة و العكس صحيح
لكن برضه يا ريم في غلط في التربية
الغلط في المجتمع اللي بيربي بنت ما بيربيش راجل
الراجل لما يفسد ستقال مهو راجل البنت لما تفسد تتقتل و تعتبر الججريمة جريمة شرف حتى لو كان الفاعل زاني برضه !!!!!!
دة اكيد نتيجته مرض زي اللي شفته في البرنامج
فعلا مجتمع مريض
انا كمان بحييى البنت
إرسال تعليق