صباح الخير يا حلوااااات يا قمرااااات يا انسات يااا مدامات ..... يا إناث العالم في أي مكاااان
صباح الحب و الاحترام و كل التقدير لكل وحدة فيكم في شغلها في بيتها مع اولادها او مع اهلها
.......
في نقاش مع صديق ( اللي اعرفه عنه انه مش شخص متخلف شايف البنات كائنات غبية اقل من الرجالة )
قالي البنات ميفهموش في حاجة و مش ناجحين في حاحة اصلا !!!
كان سبب الجملة العنيفة دي ان حتى في امور البنات الرجالة اشطر
يعني لما ندور حوالينا حنلاقي اشهر المهندسين و الدكاترة و القضاة و الحكام
رجالة (من رأيي دة اللي مدهور حالنا هههههههه)
و ان لو دورنا مش حنلاقي ستات مميزين زي الرجالة !
و لا ناجحين و لا قادرين يبقوا زي الرجالة !!!!!!!!!
......
انا بقى رديت عليه و بصراحة مكملتش نقاش عشان انا مش عايزة نظرتي ليه تتغير و لا نزعل من بعض
بس بصراحة زعلت من الجملة
عايزة اسمع منكم بقى
و ياريت تاكلووووه هههههه
ايه ردكم على الكلام دة؟؟؟؟؟؟
وروووه بالجااامد بقى
.......
و بعدين حبقى اقول رأيي
.......
صباحكم سكر
هناك 18 تعليقًا:
I think that women are the invisible soldiers. They work hard and they do the backdoor leadership. So, i advise your friend not to judge by appearances, because as life taught us, we may know some things, but to know the truth, we must dig a little deeper!
Oh Noor, What a wise reply
Many thanks
ههههههههه
جميل أوى رد الأخت نور الحقيقة وأنا أتفق معاها
لكن دعونا نكون صرحاء بعض الشئ
لو أخذنا مقولة صديقك بشكل عام لوجدناها صحيحة وفق أى إحصائيات فى الدنيا
وهو أن جنس الرجال متفوق على جنس النساء وذلك بالنسبة للمجموع
أما فى خصوص الأفراد فقد يوجد هناك بعض النساء من هم أفضل من الرجال بل قد توجد إمرأة متفوقة فى مجال على جميع الرجال
لكن لو نظرنا إلى مجموع الرجال ومدى تفوقهم فى جميع المجالات
ثم نظرها إلى مجموع النساء ومدى تفوقهم فى جميع المجالات
لوجدنا أن هناك تفوق واضح بالنسبة لمجموع الرجال
ربما هذا الرد يغضب كثيراً من النساء
ولكن دعونا ناوجه الحق والحقيقة
ههههههههه
السلام عليكم
هلا مصعب
حقيقة لانه المرأة بتكرس جهودها في بناء الأسرة أكثر ما تكرسها بشكل كامل للعمل او المجالاات العملية
فمجموع العاملات من النساء إذا قورن بمجموع الرجال هو أقل بكثير و بالتالي المقارنة اصلا بهذا الشكل غير منصفة
ااه دة غير يا مصعب ان انا زعلت من الجملة .... مش من المقارنة و نتايجها
لاني اصلا لو مع المقارنة اقارن اتنين في نفس العمل و فنفس الظروف مع بعض
مش اخد تعميم في الغالب لا دقيق و لا منصف للطرفين
رد مصعب واقعي يالين
فعلا في تفوق ذكوري بس ده مش لأن الإناث غير قادرات !!
السبب في التفوق هو نسبة الذكور العاملين مقارنة بنسبة الإناث العاملات .. بمعنى ان عمل المرأة بيخضع لظروف معينه بعكس الرجل وده بيأدي لتقنين عدد الإناث العاملات ..
نقطة ثانية حقيقيه وواقعيه..لما يقولك صديقك ان البنات مش بيفهموا حاجه ولا ناجحين في حاجه .. قوليله
المرأة تقدر تعيش من غير راجل في حياتها بينما الراجل مايقدرش يعيش من غير امرأة في حياته
والله يا أختى انا رديت على سؤالك بشكل عام
أما لو فصلنا زى ما انتى بتقولى ان مينفعش نقارن بين اتنين مش فى نفس الظروف ونفس الوضع
فانا ممكن جدا أتفق مع الكلام ده
ولو أخذنا بالكلام ده يبقى السؤال فى حد ذاته خطأ
ويبقى لا محل للإجابه هنا
لأنه بشكل عام هنا إختلاف بين الجنسين، قال تعالى (( وليس الذكر كالأنثى ))
وبالتالى فكل جنس له إمكانياته وظروفه وخلقته ووضعه
ولا تجوز المقارنة بين المختلفين ،،
وبالتالى فالسؤال خاطئ من البداية
كده مفيش زعل ولا لسه فى زعل :))
ههههه
الله المستعان
السلام عليكم
سارة
انتي جاية تقوليلي عنده حق؟؟؟ !!!
جبتك يا عبد المعين تعين؟؟
بقلكم كلوووه تقوليلي عنده حق؟؟؟
ههههههههههههه
بس انتي معاكي حق في السبب
احنا شاطرين بس مش متفرغين للحاية المهنية في الغالب و كمان الأغلب بيسيبو شغلهم .....
نورتيني
محدش سأل يا مصعب
في حد قال جملة و انا حبيت اسمع رأي الناس فيها
انا عن نفسي شايفة المقارنة غير منصفة
زى ما تحبى يا فندم
اللى تقولى عليه يمشى :)
دعواتك بس بالله عليكى :))
السلام عليكم
ربنا يكرمك يا مصعب و يهديك و ينور بصرك و بصيرتك
:)
الحقيقه انا مش عارف مين الى حول العلاقه بين الراجل والمرأه الى صراع...والمفروض يطلع فيه طرف احسن من الاخر او افضل منه
مين الى قال كده
والكلام لكل من يحاول ان يجعل الله سبحانه وتعالى غير عادل عز وجل وعلى علوا كبيرا بان فضل جنس على جنس او اعطى طرف وبخس الاخر او خلق طرف يتمتع بكل شىء وطرف اقل كثيرا منه
المناقشات دى هى الى وصلت الحكايه لشبه الجيمز او العاب الفيديو لازم طرف يكسب وطرف يحبط
طيب
ياتترى الطرف التانى الى احبط لو فضل محبط طول العمر ... هب الطرف الاولى (المنتصر)هيكون سعيد؟؟؟
ياترى لو الرجاله طلعوا صح وعلى حق والستات سلمت انهم اغبياء ومبيفكروش وخلاص بقت شىء مسلم بيه...!! هل الرجاله هيفرحوا ويحملوا اعلام مكتوب عليها (انا راااااااااجل) وينزلوا الشوارع ويهياصوا...؟؟؟؟؟
طيب لو الرجاله اقتنعت انهم الجنس الاقل والاغبى والى بيعتمد على قوته ان مشاعره معدومه وعقله بين رجليه ومتخلف
وخلاص الارض كها سلمت بكده
هل المرأه هتفرح بده وتاخد نفسها وترتاح وتقول اخيرا الحق رجع لصحابه وتفرح بقى وتحتفل
طيب هل ضمن الاغبياء دول ابنك واخوكى وابوكى وعمك
ولا هو جوزك بس او حبيبك فقط او مديرك فى الشغل او زميلك فى الجامعه..طيب هتقدرى تامن على نفسك مع الكائن ده الى هو نفسه اعرف بغبائه وقله حيلته وضعفه؟؟؟
هل ده الموقف المطلوب؟؟؟؟
انا بتمنى كل البشر تخرج من حيز العنصريه الجنسيه الضيق لائفق واسع اسمه التفاهم والتكامل بين البشر
لان الى بيشد المرأه للرجل اختلافه عنها
والى بيجذب الرجل للمرأه اختلافها عنه
وانهم لاتنين زى قطع الارابيسك عاشق ومعشوف ونتيجه تعاشقهم تخرج القطعه الفنيه الرائعه التى يكونونها معاً
واعتقد اننا وصلنا لمرحله الرجل والانثى يحب ان تكون نضرتهم تكاميه
وليست تنافسيه
عارفه لما تتجوزى
هتتمنى تخلفى ذكور واناث
طيب جوزك عاوز ايه
برضو ذكور واناث
ليه محدش فيكم اتمنى الجنسس الى بيعتقد انه الافضل يخلفوا بس
لما تجاوبى هتعرفى اد ايه كل جنس بيقدر الجنس التانى
لكنه بينتظر المبادره من الجنس التانى
اسف على التطويل
تحياتى
م
بس هقول شي بسيط جدا وين السيدة خديجة والسيدة عائشة وباقي امهات المسلمين،،، طيب مين بربي الرجال مش الامهات؟؟؟؟ وغيرهم من العالم الغربي مثل ماري كوري وغيرها،،،
الستات غالبا ما بيكملوا مسيرتهم عشان بتحملوا المسؤوليات العائلية العظيمة بينما الرجال فاضيين اشغال شو وراهم وعيب عليهم أصلا برغم فضاوتهم انهم مايتفوقوا وبتعرفوا ليه الرجال فاضيين عشان الستات بتحملوا المسؤولية عنهم لو فكرنا بالتبديل في المهمات لأسبوع واحد بس اتحدى ازعم رجال يتحمل اللي بتتحمله الست في ساعة وحدة بس
مساء الخير جميعا.. من رايي ان مفيش مقارنة اصلا بين الطرفين.. لا الرجال بيتفوقوا ولا الستات بيتفوقوا, مش معنى انو عدد المهندسين اكتر والاطباء الذكور بيعني انو الرجال افضل لا, لكن بيعني انهم قادرين يستمروا بمسيرتهم العملية, اللي ظروف كتير بتحول بين انوا المرأة تستمر وهادي الظروف مش تقصير من المراة او استكانة من طرفها وبنظر البعض انها مدللة وما بتشتغل لانو متل ما قالت فيدو اتحدى ايا رجل يتحمل اللي بتتحمله ايا ست من متاعب الحياة ,,, لانوا الست هي اللي ربتك وربة المهندس والدكتور والطيار والعااااااااالم اللي علمك...
وما بننسى ستات مميزات جدا ومثقفات جدا وعالمات نوروا التاريخ الاسلامي والعربي والعالمي ,,, هن قلة لكن اثرهم كبير جدا ... فيا اخي لا تقارن في شيء لا يقارن من الاساااااااااس !!!!!
momken
ردك رائع فعلا
العلاقة مش المفروض تبقى منافسة و لا حرب مين فيها حيكسب
بس لما واحد من الطرفين بيبتدي التاني حيرد
مظنش عندنا الكم من الحب للي يسمحلنا بالسكوت عن المبادرات الغير لطيفة هههه
انا مع رايك و بشدة فعلا
لكن النقاش يتطلب الرد
احترامي
فيدو
فعلا نص الدين نقل عن طريق السيدة عائشة
و هناك الكثير من المميزات فعلا عبر التاريخ
و مثل ما في رجال ناجين في رجال فاشلين و كذلك السيدات
برغم انه كميتهم في الناحية المهنية قليل
و انامعك اي رجل صعب يتحمل اللي بتعمله الست ولو لمدة بسيطة
نورتي
شيمو
اهلا و سهلا
المقارنة غير منصفة فعلالا
و تسلم ايادي كل ام تعبت و ربت و كبرت و سهرت لصارو دكاترة و مهندسين و مدرا
هي مميزة في عملها و لها كل الاحترام
إرسال تعليق