مخنوقة

انا بصراحة نفسي فحل حقيقي

انا عندي مشكلة يا جماعة ... و بجد مش بتدلع و لا بتبطر على النعمة


الحمدلله انا بشتغل في شركة كويسة و في خبرة هايلة في شغلي و مرتبي معقول و الشركة اجمالا كويسة و انا بحب طبيعة شغلي


لكن بجد مش قادرة أتأقلم !! مش حابة الناس و لا حابة الجو

طبعا في أمراض نفسية كتير لكن مش لدرجة تخليني مستحملش اصحى الصبح اروح الشغل

و انا بجد بحس بانقباض في قلبي كل يوم لاني حروح شغلي


بجد من فترة شهرين و انا بعد الايام تعدي علشان اكمل سنة و ابتدي ادور على مكان تاني (طبعا لسة قدامي 5 شهور !!)

اللي مدايقني اكتر انه مفيش سبب منطقي و لا قوي كفاية يخليني احس بهالاحساس
صحيح طريقة الشركة و قوانينها و جوها مختلف تماما عن كل الاماكن اللي اشتغلت فيها لكن برده مفيش داعي لكم الضيق اللي بحسه


وبرغم انه اهم الاسباب اللي كانت مدايقاني في الاول و كنت لو سبت الشركة ساعتها كان حبقى معاي حق 100 في ال 100خلاص خلصت ! و فايامها كانت الايام بتعدي بطريقة رهييييبة مع اني مكنتش لا مرتاحة و لا مبسوطة فوقتها
و كنت بحارب عشان اثبت نفسي لكن حالياً بجد و من غير مبالغة مش طايقة اشوف مبنى الشركة

و الله ما بتبطر على النعمة و بجد انا فمشكلة و مش عارفة احلها !!!!!!
انا كارهة احساس الضيق المستمر و مش قادرة اكمل بنفس الطريقة


بليز اللي عنده نصيحة عملية يقولي عليها



ازعجتكم أنا آسفة