نفسي اكلمني

من فترة و انا عايزة اكلمني و مش قادرة
في حالة غريبة من الحزن الراكد بتسحبني ناحيتها
و بسببها مش بتكلم مع نفسي
طول الوقت في حالة هروب منها ....
عشان لو وقفت قدام نفسي و ابتديت اتكلم
و اواجه و احلل الاسباب و اوصل للنتايج
حلاقيني في حالة اكتئاب رهيب ....

مجرد التفكير في تغيرات الحياة
في الطرق اللي مشيتها (فاكرة انها بارادتي)
في اخر التغييرات اللي بمر فيها و انا نفسي افهم اسبابها
بتحرك حالة الحزن الراكد
و برغم اني محتاجة اوصل لقرارات مهمة
مش قادرة عشان اول حاجة لازم احسمها
هي حالة الحزن الراكدة
خايفة اصلا من مواجهتها لانها احتمال قوي جدااااا
تكسب و تسيطر على فترة طويلة من حياتي
و لايام صعب اقدرها
......


مش بحب التغيير بطبعي
و اخر سنة كانت مليانة تغيرات
و احد منها كان قرار صعب بجد
احترت كتير على ما قررته
و معرفش لحد اللحظة هل كان صح او غلط؟
تعبانة من التغيير
نفسي احس بتصالحي مع نفسي و استقراري و اماني
........


زهقت حالة اللاتناغم
حالة عدم التعرف علية
حالة الحزن الراكد
عدم الاستقرار
اشتياقي لاحساسي بالقوة
القدرة على البهجة
التفاؤل
الابداع
اللهفة و الحب (للحياة)
اشتقتلي
............

أخيرا اكتشفت اني مبقتش احب المطر لانه اول مسبب لسيطرة حالة الحزن الراكد و تحويلها لاحساس دائم
و الشمس نفس لقلبي من الاختناق اللي محاصره

.............

انا و الله ما عارفة لايمتا و ليش كل هاد؟