بيكفي و حياة الله بيكفي

مناقشات وكلام و كلام و كلام مش عم يخلص صارت حياتنا كلام و بس
كلنا عم نحكي
و فلان قال و فلان مقالش و فلان و فلان و فلان
و الشعب عم بيموت عم ينحرق عم ينقصف
لحد اللحظة 600 اندبحو و في حوالي ال 3000 شهيد و انا بحملك المسؤولية و انت بتلوم عليو انا عملت و انت لا معملتش
بيكفي
ارحمو هالشعب اللي شبع مزايدات من هون و من هون
و الكل قاعد و لافف اجر على اجر و بيلوم و بيحمل جمايل انه اللي بيقدر عليه عمله و اكتر و اقل و بيزيد و بينقص و هو لافف اجر على اجر
لا غزة و لا فلسطين بدها من حدا اشي
بيكفي يا عالم قدام رهبة الموت شو بيضل؟؟ قدام الدبح و الدمار و التشريد شو بيضل؟؟ بدال ما نقول هاتو ايديكم و ايدينا في ايديكم نقضيها مهاترات
على الاقل خلو الناس يموتو بصمت بكفيكم خلافات
مصر عملت زمان اه و كتر الله الف خيرها و شكرا الها و لشعبها بس مع كل ازمة شوفو كم جميلة حملنا
لاحقاق الحق مع كل ازمة و كل كلمة بنحمل جميلة انكم وقفتو جمبنا و كل مرة بنحس انه احنا جايين نستجدي انه تعطفو على شعبنا و تسندو لانه لولا هيك رح تطحنو الصهيونية
طيب مهي الصهيونية طاحنته و عم يموت صارله ستين سنة و في الاخر قلتوله كمل موت اريحلنا نتحالف مع اسرائيل
شكرا كمان مرة و يعطيكم العافية اخترتو خياركم بس كمان احنا النا خيارنا بدنا بلدنا و ارضنا كاملة و حرة و على فكرة ما طلبنا منكم تيجو تحاربو بدالنا
هاد خيار الشعب و مش الحكومة و يمكن كمان خيار الشعب في مصر غير خيار الحكومة
و اللي حابب يصدق يصدق و حابب يعترف قدام ضميره يعترف كلنا خذلنا فلسطين و غزة و مش اول و لا اخر مرة
المعبر انفتح بعد 3 ايام من ضرب غزة ليش ؟؟؟و قبل ما يبدا الهجوم البري بساعة بسسسسس اغلق المعبر و جورج بوش طلع يشكر دولة و جلالة الرئيس المعظم على دوره الايجابي في الضربة
و حتى لما انفتح المعبر من التواصل مع الجمعيات الخيرية و المتطوعين و من اهلنا في غزة و احقاقا للحق كمان مرة
كان المعبر كانه مش مفتوح !!!
شكرا لخيار الحكومة يعطيكم العافية زي ما انتو بتقولو حرية الاختيار
احنا كمان النا حرية الاختيار
بيكفي يا ناس
موت و دمار و خراب و يتم كله رضينا فيه كرمال حرية فلسطين بس في متل عنا بيقول العتب على قد المحبة !! لما الوحد بيزعل من اخوه و جاره لانه بيعز عليه بيعاتبه بس ليش نعاتب كل واحد و اله اختيار

اصدقائي من مصر احبكم و احترمكم جميعا اتمنى ان لا يرد علي احد فقط امعنو في ما ترون من موت و تجردو من الانتسابات و التقسيمات و بكل انسانيةو بعيدا عن السياسة الداخلية و الخارجية هل ترضى نفوسكم على ان تمضو في كل هذه المهاترات؟؟؟
احتراما لمشاعر الجميع لم اتدخل من البداية و لكن اذا لم ترغبو في احترام شعبنا و لا نطلب من احد هذا احترمو انسانية الموتى و الميتيمين
و كفى

بيكفي يا ابو مازن خلص لو دامت للي قبلك ما وصلتلك و نفسي اقول بيكفي يا حماس لكن لا و الله قلبنا معكم و دعائنا معكم و لو بايدينا و الله كان سلاحنا معكم

انا عمري ما كنت مع حماس و لا مع خلاف فتح مع حماس و لا انا راضية عن فتح بس اللي بفهمه اني ضد اسرائيل و حكومة اسرائيل و احتلال اسرائيل

اليوم اسرائيل عم تتخذ امنها و حمايتها ذريعة بس مع الصمت و الخوف من غضب صاحبة الجلالة اسرائيل بكرة بتضرب و بتقصفو بتقتل مين ما بدها و ساعة ما بدها اي بلد بدها و ما بتلاقي مين يقول بخ مهم حتى البخ بيخافو يقولوها لاسرائيل تقوم تزعل و ينزل عليهم غضب اسرائيل

اي خلص بيكفييييييي شو بدنا لسة نخسر باذن المولى شهدائنا في الجنة و اهلنا الله يصبرهم و ينصرهم و ننتفض كلنا ايد وحدة تا نخلص من اسرائيل بس ان شاء الله ما نلاقي كذا اسرائيل نبعت و زرعت و عرشت و اتفقو و هم عمرهم ما تفقو مشان ياكلو صحن الفاكهة اللي نجي من الدمار و ما لحقت تاكله اسرائيل

يارب خلصنا